2011/07/05

Өвс, ургамлаар эмчлэх

(Тус сайтад тавигдсан материал нь  "Увдист цэцэгсийн ертөнц" ТББ-ын дэргэдэх клубын өмч бөгөөд хуулийн дагуу хамгаалагдсан тул хуулбарлан ашиглахыг хориглоно.)



Та ёо-ёотой байна уу?Ёо-ёог анагаах нь нэвтрүүлэг надад их таалагддаг. Ялангуяа Болдсайханы зөвлөлгөө их мэдрэмжтэй, ухаалаг, оновчтой байдаг.
Үүний адил таны ёо-ёог увдист ургамлын бүжихүйн дор  хэрхэн анагаахыг зааж өгье.
Ихэнх гарын авлагад эхлээд ургамлаа нэрлээд тэр нь юу юунд тустай гэж бичсэн байх юм. Гэтэл ихэнх хүн ургамлыг биш, харин өөрийн өвчнийг илүүтэй сонирхдог, мэддэг юм. Иймд та шинжилгээ хийлгэж, эмчид үзүүлж, оношоо тогтоогоод ир. Бид өвчний чинь танд шинжлэх ухааны үндэстэй ойлгуулж, ардын /ургамлын/ ямар эмчилгээ хийх нь зохистой вэ гэдгийг нь хэлнэ. Өөрөөр хэлбэл бид өвчнийг тодорхой нэрлэж, дараа нь энэ өвчнийг анагаахад ямар ургамал ямар тустай болохыг бичнэ.
Нэг зүйлийг анхаараарай энд би гэж бичихгүй, миний ах, дүү, найз гэж бичихгүй, харин Цэцэгхүү эсвэл Цэцэгмаа ийм өвчтэй яах вэ? гэж байгаарай.
Энд бичигдэх зүйлийн ихэнх нь урьд өмнө монголд нийтлэгдэж байгаагүй бөгөөд зөвхөн http://www.tsetseg.mn сайтын өмч байна гэдгийг мөн анхаараарай. 


"Увдист цэцэгсийн ертөнц" клубын гишүүн
Т. Энхтүвшин


Админы зүгээс: 
Тус сайтын мэдээлэл, нийтлэлүүд нь зөвхөн танин мэдэхүйд зориулагдсан болно.

47 comments:

  1. УНШИГЧИЙН АСУУЛТ: ЗА БАЙЗ ХАМГИЙН ЭХЭНД ЮУ ЮУ АСУУХ ВЭ БАЙЗ.
    ХООЛ ИДЭХЭЭ БАЙЧИХСАН НЭГ ЦЭЦЭГ БАЙХ ЮМ. ЯЛАНГУЯА МАХАН ХООЛ ИДЭХЭЭ БАЙГААД 8 ЖИЛ БОЛЖ БАЙГАА БИЕ НЬ БАС ТААРУУХАН ИХ ЯДАРГААТАЙ ЮМ УУ ХААШАА ЮМ ЭНЭ ЦЭЦЭГТ ЮУ ХЭРЭГТЭЙ ЮМ БОЛ ОО.
    БАС НЭГ ЦЭЦЭГ НЭГ НҮДНИЙ ХАРАХ ХҮРЭЭ БАГАСААД ЮМ ХАРАХАА БОЛИОД ЭМНЭЛГЭЭР ЯВААД БАЙХ ЮМ
    БАС НЭГ ЦЭЦЭГХҮҮ НУРУУ БӨӨРӨӨ НЬ ЯЛГАГДАХГҮЙ ӨВДӨӨД БАЙНА ГЭСЭН ТҮҮНД ЯМАР ЦЭЦЭГ ТАРИВАЛ ЗҮГЭЭР ВЭ.
    ПӨӨХ БИ Ч УРСГААД ӨГӨХ НЬ ЭЭ.
    БАС НЭГ ЦЭЦЭГ ХӨЛ ҮЕ МӨЧ НЬ ӨВДӨӨД ЮУ Ч ХЭРЭГЛЭЭД НЭМЭРГҮЙ БОЛЧИХООД БАЙНА ЮУ ХЭРЭГТЭЙ ВЭ?

    ReplyDelete
  2. УНШИГЧИЙН АСУУЛТ: Цэцэгийн увидасаар эрүүлжих хүсэлтэй Ялдам цэцэг танаас эхний зөвлөгөө хүсьеэ. Бамбайн хордлого гэж нэг айхтар зүйл байнаа. Зүрх дэлсэнэ, хоолой боож байгаа мэт болно, судасны цохилт минутанд 100 хүрнэ дээ заримдаа. Уламжлалт эмнэлгээр хэвтэж зүү тавиулж тан ууснаар зовиур багасаж байгаа. Эмчилгээ хийлгээгүй энгийн үедээ хордлого тайлах маягаар ууж байх ургамал байдаг болов уу. Зүрх их дэлссэн үед долоогоны ханд л ууж байсан билээ.

    ReplyDelete
  3. Т. Ундрах 2011-04-06 12:07 бичсэн.
    Хүн өөрөө байгалийн бүтээгдэхүүн болохоор байгаль эх дээр ургасан ургамал бүхэн эм болж байдаг шүү.Миний хувьд зун болгон Хөвсгөл дархадын хотгор орохдоо өвлийн ургамалаа ихээр түүж бэлтгэж авдаг, бүх л өвчинд тустай сайн ургамал зөндөө шүү дээ , өвөл вансэмбэрүү цэцгийг хатаагаад хандлаад уухад ханиад хүрнэ гэсэн ойлголт байхгүй бас уушги 100% хамгаалагддаг, чонын хэл гэж нэг өвс бий түүнийг уухад хэзээ ч ходоод өвддөггүй бас ямар ч шарх совинд тавиад наахад хоноод л бараг зүгээр болдог ,халуун өвс гэдэг ургамал уухад хүний зүрх байнга эрүүл байдаг гээд л олон л сайн ургамалууд байдаг, урьд нь сайн мэддэггүй эмээгийнхээ үгэнд орохгүй одоо үеийн энэ бөөрөнхий цагаан эм ч дээ нэг юманд сайн ч нөгөөд нь муу байдаг гэхэд нь мэддэггүй тоодоггүй байж билээ. Өөрөө яг өвдөөд ирэхлээр үнэхээр өөр юм билээ хөвсгөлд л ганц ургадаг ховор эмийн ургамал зөндөө шүү улаан номонд орсон ягаан цээнэ,хонин арц, алтан хундага гээд л ..... за баахан нутгаа магтчихлаа.

    ReplyDelete
  4. Б. Байгалмаа 2011-04-06 12:47 бичсэн.
    Хүн бүхэнд хэрэг болох сайхан сэдэв нээсэнд баярлалаа, зуун настын хандыг яаж бэлтгэх, мөн ямар ямар өвчинд ямар тун хэмжээгээр хэрэглэх талаар зөвлөгөө өгөөч, эм удаан хугацаагаар ууснаас болж эмний харшилтай болсон юм, зуун настын шүүс түрхэхэд арай гайгүй болох шиг болдог гэхдээ хамаагүй хэрэглэхээс айгаад байна аа, ямар ч ургамлыг тодорхой тун хэмжээгээр уух, түрхэх хэрэгтэй байх, өөр бас ямар ургамал хэрэглэвэл сайн бэ?

    ReplyDelete
  5. Ари: Газрын хаг бөөр нурууны өвчинд сайн. Би бөөрны архаг үрэвсэлтэй. Бүр босож чадахгүй болтлоо хэвтэрт орж байсан хүн. Байнгын өвчин намдаах эм уудаг байсан. Удаан зогсож ч чадахгүй болдог байлаа. Өнгөрсөн зунаас газрын хагийг хэрэглээд эм уугаагүй жил шахам болж байна.

    http://biznetwork.mn/network/topic/show/21815/page/1 Энд хэрэглэх аргыг зургаар оруулсан байгаа.

    ReplyDelete
    Replies
    1. Сайтаар ороход хуудас олдохгүй байна гэсэн бичиг гарлаа. Бөөр жаахан үрэвссэн үед хэр улаан хэрэглэх бол? Хаанаас авах вэ

      Delete
  6. Т. Энхтүвшин 2011-04-07 10:59 бичсэн.
    Бамбайн булчирхайн үрэвсэл
    Бамбайн булчирхай нь хүзүүорчим амьсгалын багалзуурын /трахеи/ өмнө болон хоёр талаар байрладаг. Маш чухал үүрэгтэй. Том хүний булчирхай 25 -30 грамм байдаг. Нөхцөл байдлаас болж хэмжээ нь өөрчлөгдөж болно. Нас ахих тусам бага болдог. Гэвч Монгол шиг хөрс, ус, ургамал, хүнсний ногоонд нь йод бага байдаг газар хүмүүсийн бамбайн булчирхай томрох үзэгдэл байдаг. Бамбайн булчихай нь тироксин, трийодтиронин гэдэг үндсэн хоёр гормоныг цусанд шууд нийлүүлдэг. Энэ гормонуудыг бий болгохын тулд тирозин аминхүчил, йод хэрэг болно. Үүнээ с гадна бамбайн булчирхай нь кальцитонин гэдэг гуравдах гормоныг буй болгодог. Энэ гормон биеийн кальцийн солилцоог зохицуулж байдаг. Бамбайн булчихайн гормонууд хүнийн биед олон талын үйлчилгээ үзүүлдэг. Энэ гормонууд эс, эд эрхтэн боловсрох явцыг зохицуулдаг бөгөөд ингэснээрээ идэвхжил, өсөлт, бодисын солилцоог хангаж байдаг юм.
    Бамбайн булчихай нь өрөвссөн хүн далайн гаралтай бүтээгдэхүүн, шош, мөөг, өндөгний шарыг түлхүү хэрэглэх ёстой.
    Энд би анагаах ухаанд хэрэглэдэг рецептийг орихоод ардын аргаар, зөвхөн гарын дор байгаа зүйлээр хэрэхэн анагаадаг талаар өгүүлсүү.
    1. Өмнө нь хэлж байсан долоогоны ханд маш сайн. Ханд нь 20%, спирт нь 70% байх ёситой. буцалгасан бага усанд 20-40 дусал хийж , хоолны өмнө өдөрт 3-5 удаа ууна.
    2. Намар долоогоно түүж чанамал хийж өвөл идэх маш сайн.
    3. Буриадууд долоогоныг үхрийн гүзээнд хийж хөлдөөгөөд өвөлжингөө иддэг уламжлалтай бөгөөд энэ нв зүрх, бамбайд маш тустай.
    4. Зөгийчид сайн мэднэ, дээ зөгийн балын сүү гэж байдаг. Түүнийг хэл дороо тавьж эсвэр архинд хандал ууж болно.
    5. Фейоха гэж жимсний үрийг идэх юм уу ястайн жүүс болгон нунтаглаж ууж болно. Өдөрт 50 - 100 гр хоолны өмнө. Монгол нэрийг нь мэдэхгүй юм байна. Монгол нэрийг нь мэргэжилтнүүд оруулаарай. Энэ бол хамтын бүтээл шүү.
    6. Ойн зэрлэг гүзээлзэгэнийг их идэх хэрэгтэй.
    7. 5% -ийн йод дуслаар ууж болно. Энэ нь биеийн ислийн катализатор болж өгнө. Ялангуяа таргалах, бамбай томорох, мэдрэлийн ядаргаа болох зэрэгттустай. Жишээ нь 65 кг жинтэй хүн хоолны өмнө нэг дусал йодыг нэг стакан цай юм уу жүүсэнд өдөрт нэг удаа л ууна. Эсвэл долоон хоногт хоёр удаа. 65 кг дээш хүн тунг хоёр дахин нэмж болно. Эмчийн заавар чухал шүү.
    8. Бамбай томороход лимон юм уу апелисиныг /зориуд гадгаад нэрээр нь орууллаа хэхэ/ хальстай нь шахаж жүүс болгоод өдөрт цайны халбагаар нэг л ууна.
    9. Бамбай дөнгөж томорч байгаа хүн царсны холтсыг хэрэглэдэг. Манайд царс ургадаггүй тул дархадууд хар мондын улаан холтос өргөн хэлэглэдэг . Дархад цай бамбайд сайн байж магад. Батлах хэрэгтэй. Холтёыг бас хүзүүндээ зүүж хэрэглэдэг.
    10. Хүзүүндээ жинхэнэ шар хув байнга зүүх нь сайн гэж ард түмэн хэдэг шүү.

    ReplyDelete
    Replies
    1. баярлалаа сайхан зөвлөгөө ба

      Delete
  7. Түвшөө ахдаа баярлалаа. Сэтгэл гаргаж их мэдээлэл бэлтгэсэн байна. Ялдам цэцэгийн бамбай булчирхай нь зүүн талдаа эдэрхэг зангилаат ургалттай байна гэсэн. Уйланхай байна ч гэж зарим нэг эхо-гоор хэлээд байгаа Уйланхайг нь соруулж авах мэс засал хийнээ гэж байсанаа эм өгөөд л больсон Тэр эм нь таараагүй байхөө харшил өгөөд байсан. Зарим нэг нь узель зангилаа байна гээд байгаа. Нэг эмч чонын хэл тавь гэсэн нөгөө нэг нь бол хэрэггүй гээд л хэхэ Яг яаж тавихыг нь бол хэлж өгөөгүй мэдэхгүй гэсэн. Хүнд захиж авхуулсан нэг хатаасан хэл байгаа юм уг нь. Яаж хэрэглэхээ л мэдэхгүй байна.
    Гарын доор байдаг долоогоно апельсин, лемоныг бол одооноос байнга хэрэглэж байнаа. Харин тэр зөгийн балны сүү, Фейоха жимсний тухай мэргэжилтэнгүүд маань хэлж зөвлөөрэй. Хаанаас олж болох тухайд
    Түвшөө ахдаа мааааш их баярлалаа.

    ReplyDelete
  8. tenkhtuvshin
    Т. Энхтүвшин 2011-04-07 11:11 бичсэн.
    Чонын хэл тус болохгүй байх аа. Эмч нар маш дургүй байдаг. Бөөн микробны орчин үүсгэхээс өөр нэмэр болохгүй байхаа.

    ReplyDelete
  9. Уншигч: Ахаа та үнэхээр хэрэгтэй сэдэв нээсэн бна шүү, яасан сайхан юм бэ. би бүр ийм сэдэв хаанаас хайхаа мэдэхгүй байсийн. мэдээж нээт эгч гүүгл ах 2 олон л юм хэлж бна. гэхдээ тэр бүх мэдээллийг хэн яж бэлдээд бгааг мэдэхгүй болохоор итгэхэд бэрх. хэ хэ Одоо л таны увдистайн учрийг зах зухаас нь ойлгох шиг боллоо. за тэгээд нэг юм асуугаад авнаа. цэцэгмаа цөсний чулуутай гэнэ. энийг эрхтэнээсээ салахгүйгээр зохицуулах арга байдгийм болов уу , хуучны цэцэгчидийн яриагаар бол доргоний тос долоохоор чулуу нь хайлдаг юм байх.энэ талаар нэг мэдээлэл өгөөч, баярлалаа.

    ReplyDelete
    Replies
    1. энийг гүйцэт дэлгэрэнгүй болгоод өгөөч аль дээр үед л бичсийн байна маш их хэрэгтэй байна.

      Delete
  10. Т. Энхтүвшин 2011-04-21 12:34 бичсэн.
    Элэг, цөсний чулуу
    Элэг, цөсний чулуу гэдэг нь янз бүрийн хэлбэртэй, янз бүрийн хольц найрлагтай том жижиг чулуужсан тогтоц юм. Энэ нь цөсний зам дээр үүсэж, дараа нь гэдэс дотор луу ордог. Чулууны тоо янз бүр байна. Нэг хүнд 7802 чулуу байсан гээд боддоо. Орос хэлний дээд сургуулийн нэг эмчийн цөсний чулууны цуглуулгыг би үзэж байсан. Цонх өрөөгөөр нь багтахгүй юм байдаг сан. Чулуу нь элэг, түүний ойр орчим байх бөгөөд хамгийн оон тохиолдолд цөсний уутанд, түүний салаа замд байдаг. Чулуу нь будаанаас шижиг, эсвэл өндөг шиг том байж болно. Чулуу нь хатуу боловч амархан үүрч бутрах төлөвтэй. Лаа шиг ч зөөлөн байх тохиолдол бий. Өвчин эмгэг нь бодисын солилцооны хямралаас үүсвэртэй. Уутан дах цөс өтгөрөх, цөсөн дэх хүчлийн нөлөөгөөр тундас үүсэх зэрэг процессийн явцад чулуу бүрэлддэг. Чулууг бутлах, хөөх орчин үеийн олон арга техник байдаг. Ялангуяа гадаадад чулууг хэт богино туяа зэрэг элдэв нөлөөллөөр буталж туулгах арга, үнэтэй тоног төхөөрөмж сайн хөгжсөн. Олон жилийн өмнө Хонг-Хонгод энэ аппаратыг анх суулгахад бид нэг өвчтөнг аваачиж, чулууг нь буталж шээсээр хөөн гаргаж байсан. Тэндхийн эмч нар хэлэхдээ танайхан сүү их уудаг, сүү бага уу, чулуужилт нь тэр төрлийнх гэж байсан.

    ReplyDelete
  11. tenkhtuvshin
    Т. Энхтүвшин 2011-04-21 13:49 бичсэн.
    үргэлжлэл
    1. Элэг цөс муутай хүн тал стакан давсалж дарсан байцааны шүүсийг тал стакан улаан лоолийн шинэ жүүстэй холж уувал сайн. Өдөрт гурван удаа хоолны өмнө 1/3 стакан ууна. Олон хоног уухыг хориглохгүй.
    2. Элэг цөс муутай хүн тунхуу /хрен -мэрэгжилтнүүдээ монголоор юу гэдэг юм бэ/ болон зөгийн балыг тэнцүү хийж хутгаад цайны халбагаар өдөрт 4-5 удаа ууна. Бүлээн усаар даруулж ууна.
    3. Элэг цөсөнд хамгийн сайн үйл бол шинэ ногооны жүүс юм. 210 мл луувангийн жүүс, 150 мл цоохор майлзны /сельдерей - монгол?/ жүүс, 60 мл эндивий /?/, 60 мл яншуйн жүүс хольж өдрийн турш уувал сайн
    4. Элэгний чулуу хайлуулахын тулд улаан лоолийн шинэ жүүс ууж байх хэоэгтэй
    5. Цөснмй чулуутай хүн гүзээлзэгний жимсний хандыг 30 граммаар өдөрт гурван удаа ууна. тэгэдээ ус, шинхэн зүйлээр даруулга хийнэ. Ингэхэд арьсны шар арилж, өвчин намдаж, зүрх сайжирна. Гүзээлзэгний ханд хийхийн тулд хоолны хоёр халбага гүзээлзэгний жимсийг 0,5 л архинд хандалж, долоон хоног абайлгана.
    6. Улаан манжингийн /свёкла -? эрдэмтэд ээ/ жүүсийг удаан хугацаанд байнга уувал элэг, давсаг, цөсний чулуу өвчин зовиургүй хайлна.
    7. Элэг, цөснөөс чулуу гаргахын тулд чинжүүний /перц/ 70 үрийг кофенунтаглагчаар жижиглэж, гурилтай зууран, жижиг бин /35 ширхэг/ хийж иднэ. Нэг өдөр нэг л бин иднэ.
    8. Цөсний чулуугаас салах хамгийн сайн арга нь
    Хэд хэдэн удаа клизм тавьж ходоодоо цэвэрлээд, эмчилгээ эхэлтэл өлсөглөн байх. Эмчилгээний үед өдөрт 10-12 стакан халуун ус уух, Ус уух болгондоо стаканд нэгбүтэн лимоны жүүсийг шахаж хийнэ. Үүний зэрэгцээ өдөр болгон 900 гр луувангийн жүүс, 300 гр улаан манжингийн жүүс, 300 гр өргөст хэмхийн жүүс /нийтдээ 1,5 л/ хольж ууна. Эмчилгээ эхэлсний хоёр дахь өдөр ходоод агшилт өгч 10-15 минут өвдөж болно. Тэсэж давах хэрэгтэй. Долоон хоногийн дараа өвчин орох бөгөөд чулуу гадагшлах болно.

    ReplyDelete
    Replies
    1. Би солонгост эход харуултал цөсөнд 4 мм хэмжээтэй мах ургасан байна гэсэн. Чулуу гэж дуулсанаас биш мах гэж дуулаагүйдээ мэл гайхав. Энэ 2 чинь нэг юмуу тусдаа юму хэлээд өгөөч. Полимп гэдэг нь юу юм бэ. Калина красная гэдэг жимсийг 2-3 сар идээд полимп алга болдог гэнэ. монголд зардаг болуу

      Delete
  12. Z. Arimgl3 2011-04-21 13:55 бичсэн.
    Ходоод нь эрүүл мөртөө цөс чулуутай хүн бол сармисыг их хэмжээгээр идээд байх хэрэгтэй. Цөсний чулуу хайлдаг юм бол уу? алга болчихдог юм билээ. Манай ээж өөр дээрээ хэрэгжүүлсэн шилдэг арга шүү. Финлянд эмчийн зөвлөгөөгөөр ээж маань сармис идсээр байгаад цөсний чулуу нь алга болсон. Ямар ч хагалгаанд ороогүй. Ходоод эрүүл байх тохиолдолд шүү.

    ReplyDelete
  13. Т. Энхтүвшин 2011-04-21 14:07 бичсэн.
    Мөн ардын эмчилгээ эмнэлэгийн эмчилгээний стратеги, эмийн нөлөөлөд саад болохгүй байх учиртай
    Тэгэлээр зарим тохиолдолд, жишээ нь туяа шарлага хийлгэж байхад ардын байтугай анагаахын эм ууж болохгүй

    ReplyDelete
  14. А. Нэко 2011-04-21 14:22 бичсэн.
    Цөсний чулуутай хүн цөсөө угааж туулгаж болохгүй гэсэн шүү. 0,5см-аас дээш чулуутай бол бүр болохгүй гэсэн жижиг элсэнцэр бол харин туугдаад гарчихдаг гэсэн. чулуу үүсгэхгүй байх арга л юм даа. цөс өтгөрөөд зогшинго үүсэхээр элгээ хордуулаад элэгний халуун гэгч болдог юм байна л даа. Элэгний халуунгүй цөсний асуудалгүй цэцэг монголд ховор байхаа. ер нь цөс муудахаар хамгийн түрүүнд ходоод, элэг нойр булчирхайг муутгадаг гэнэ. эдгээр нь нийлж суурь өвчин үүсгээд л яваандаа бүх бие сулрах нөхцөл болдог, Цөс өтгөрөх шалтгаан нь буруу хооллолтын уршиг юм. өглөө өлөн явахад цөсний хүүдий дотор хуримтлагдан байгаа зүйл маань хоол боловсоруулах гээд хүлээгээд байдаг хоол орж ирэхгүй болохоор элгэнд муу нөлөө үзүүлдэг мөн дор дороо ялгарч эргэлтэнд орох зүйл хураагдсаар байгаад өтгөрч чулуу үүснэ.

    ReplyDelete
  15. А. Нэко 2011-04-21 14:27 бичсэн.
    бас өвөл зунгүй мах замбараагүй хэрэглэдэг болсоноос бас нөлөөлдөг гэнэ. Эртний уламжлалаар бол зундаа ходоодны гал гадагшлах үед мах идэлгүй цагаан идээ хэрэглэдэг байсан түүхтэй. Махыг өтгөрсөн зогсонгишсон цөс боловсоруулж чадахгүй болохоор ходоод боловсруулах гэж их шүүс ялгаруулсаар байгаад ходоодны кислота ихсэх өвчин үүсэж, яваандаа ходоодны улайлт шархлаа, сөргөө гэх мэт өвчин үүсдэг гэнэ. ингээд ходоод маань өвчилж мах шингээж чадахгүй болмогц эцэст нь нойр булчирхай ажилладаг гэнэ. Нойр булчирхайн гармон байх ёстой хэмжээнээсээ их ялгарч эхлэхээр өөрийгөө түлж гэмтээдэг гэнэ. Ийм учраас нойр булчирхайн өөрчлөлттэй хүмүүст исгэлэн гашуун зүйл хэрэглэх, өлөн явахыг хорьдог гэнээ. Баахан мэдэмхийрчихлээ хэхэ. Энгийн үгээр иймэрхүү процесс бидний гэдэс дотор явагдаж байдаг юм байна. Тэгэхээр идэж уухаа тохируулж хэрэглээд ходоод цөсөө гамнаж байцгааяаа манайхаан

    ReplyDelete
  16. А. Нэко 2011-04-21 14:33 бичсэн.
    зун бидний зугаалгаар хийж иддэг хорхог маань элэг, цөс, ходоодны эсрэг дайсан юм байна лээ шүү. Бас зарим нөхдүүд хорхог идээд сархад хүртэх нь хамгийн аюултай зүйл гэнэ. ходоодны ханыг өөхөөр бүрхчихээд спирт уухад ходоодонд шингэх бус шууд элгэнд нөлөөлдөг гэнэ. мөн төмс, шарсан мах 2-ыг хамт хэрэглэх нь ходоодны ханыг цардаж орхиод дараа нь мах чихэж байна гэсэн үг юм гэж нэгэн эмч хүмүүн хэлсэн бөлгөө. Миний бие нэгэн хүмүүний төлөө гэдэг эрдэмтэн маарамба цэцэгээс сонссон зүйлсээ хэрэг болох болов уу гээд бичлээ. өөрийн үгээр ойлгомж муутай сийрүүлсэн бол хүлцэл өчьеөө

    ReplyDelete
  17. Т. Энхтүвшин 2011-04-22 11:12 бичсэн.
    Манай монос групп нэлээд нухацтай судалгаа хийж, сайн эм гаргадаг гэж боддог

    ReplyDelete
  18. Т. Энхтүвшин 2011-04-22 11:16 бичсэн.
    Бидний түүж, ургуулах ногоон эм маань эргээд орчин үеийн европ эмнэлэг, уламжлалт анагаах ухааны мэдлэг дээр тулгуулах ёстой
    Харилцан шүтэлцээ энд байгаан

    ReplyDelete
  19. Ч. Эрдэнэзаяа 2011-04-22 19:13 бичсэн.
    Аливаа эмийн ургамал бүхний эмчилгээний чанар ньтухайн ургамлын нас, ургалтын үе, ургаж буй орчин нөхцөл, хэрхэн түүсэн, хатаасан, тэр бүү хэл хэрэглэсэн аргаас хамааран харилцан адилгүй байдаг. Тиймээс ориг ургамалыг эмчилгээний зорилгоор хэрэглээд байна гэж бодоод байтал эсэргээр тэрхүү эмчилгээний чанар бага үед түүсэн ургамал ч байх магадлалтай шүү дээ. Харин нарийн сайн судлаад түүний эмчилгээний чанар үзүүлж буй биологийн идэвхит нэгдлийг цэвэршүүлээд эм хийсэн нь харин цэвэр эм болно шүү

    ReplyDelete
  20. Ч. Эрдэнэзаяа 2011-04-22 19:17 бичсэн.
    Бас дээр нь тэр ч ургамал тийм ч өвчинд сайн гээд түүсээр их олон төрлийн ургамлын нөөц маш бага болсон судалгаа байна лээ шүү. Мөн ургамлын шимт бодисын хуримтлал намар оройдоо ихэвчлэл үндсэндээ шилждэг тул ургамлын үндсийг ухаж авсаар улаан номонд орсоор бас устсаар байгаа билээ

    ReplyDelete
  21. Т. Энхтүвшин 2011-04-23 08:31 бичсэн.
    Бид аль болохоор зэрлэг ургамлыг тармилжуулах талаар яриад байгаан. Тэр талаар монос групп юм хийж байгаа юм шиг байгаан. Мань ч чадахгүй хэрнээ хашаандаа хээрийн ургамлыг ургуулж эхэлж байгаа. Зохистой байдлаар жимс, ургамлыг түүх хэрэгтэй энэ бол бидний хишиг. Харин Эрдэнэзая хямд аргаар олз олох гэсэн байгаль сүйтгэгч дамчдын тухай яриад байна гэж ойлголоо. Сүүлийн үес хүмүүс ховор ургамлын тархац газрыг нууцлах асуудал хөндөж байгаа. Хятадууд манайханд таван бор юм атгуулаад, өөрсдөөр нь түүлгээд аваад гарч байгаатай тагнуул, хуулийн байгууллага, байгаль хамгаалагчид хатуу тэмцэх ёстой

    ReplyDelete
  22. Б. Байгалмаа 2011-04-25 12:34 бичсэн.
    Зуун настын тухай мэдээлэл оруулах болоогүй юу, найруулах болон ямар ямар өвчинд яж хэрэглэдэг талаар оруулж өгөөч

    ReplyDelete
  23. Т. Энхтүвшин 2011-04-25 13:51 бичсэн.
    Зуун наст
    Алоэ модлог
    Aloe arborescene Mill.
    Сараанын овгийн олон наст мөнх ногоон ургамал. Өмнөд Африкийн хуурай бүсээс гаралтай. 5 метр хүртэл өндөр ургана. Тасалгааны цэцэг ургуулдаг хүн болгон үүнийг зуун наст гэж нэрлэдэг. Монголд хамгийн түгээмэл цэцгийн нэг.
    Навч нь бүдэг ногоон, 50 см хүртэлх урт, зузаан, махлаг, захаараа өргөстэй.
    Таримал нөхцөлд цэцэглэх нь ховор, харин нутагтаа бол жил бүр цэцэглэдэг. Цэцэг нь шаргал, улаан, шар байдаг. Гэрийн нөхцөлд 2-3 сард цэцэглэх тохиолдол бий.
    Химийн найрлага
    Зуун настын навч нь янз бүрийн фермент, витамин, фитонцид, олон органикт хүчил, тиамин, үнслэг бодис, органик биш нэгдлүүд, кали, магни, төмөр, йод, барийн эрдэст давс зэрэг оон бодисыг өөртөө агуулдаг.
    Эмзүйн шинж
    Сулруулах, цөс хөөлгөх үйлчилгээтэй, хоол боловсруулах булчирхайн шүүрлийг идэвхжүүлдэг, хоолонд дуртай болгож, хоол боловсруулалтыг сайжруулна.
    Үрэвслийн эсрэг, шарх эдгэрүүлэх, бактерийн эсрэг, түлэгдлийн эсрэг үйлчлэлтэй.
    Биеийн дархлааг сайжруулдаг, биеийн ерөнхий эсэргүүцлийг сайжруулах маш сайн биоидэвхжүүлэгч юм.
    Хэрэглэх нь
    Зуун настыг 3000 жилийн тэртээгээс эм болгон ашиглаж ирсэн юм. Эртний герег, ромчууд зуун настын шарх эдгэрүүлэх, харин дундад зууны эмч нар үүнийг өвчин намдаах, сулруулахад ашиглаж байв. Хятадад хүүхдийн хумхаа, чичиргээ, мөн үе мөчний өвчин, уушигны сүьеэд хэрэглэж байжээ. Зуун настын хандын "амьдралын ус" хэмээх чухал эмийн найрлагт ордог байна.
    Орчин үед зуун настаар хийсэн эмийн бэлдмэлийг гэдэс, ходоодны өвчин, хүчил багссан, өтгөн хаталттай архаг гастрит болон хоолонд дуртай болгох, халдварт өвчнөөс урьдчилан сэргийлэх, биеийн эсэргүүцлийг сайжруулах зорилгоор хэрэглэдэг.
    Зуун настыг арьс, салст бүрхэвч, идээт шарх, халуун орны шарх идээ, түлэгдэл, хатиг эмчлэхэд ашигладаг. Шүдний өвчинд ч зайлах зорилгоор ашиглана. Арьсны сүрьеэ, чоно яр, экзем зэрэг өвчинд компресс тавьж ашигладаг.
    Эмэгтэйчүүдийн өвчинд зуун настын шүүсийг умайн хүзүүний шархыг эмчлэхэд ашиглана.
    Зуун настын бэлдмэлийг мөн нүдний өвчинд /коньюктивит, блефарит зэрэг/ хэрэглэдэг. Хурц ренит буюу хамраас нус гоожиход зуун настын шүүсийг хэдэн цагийн зайтай хэдхэн дусаахад арилна
    Анхааруулга!
    Жирэмсэн хүн болон биений юм ирэх үед, дотор цус алдалттай үед хэрэглэж болохгүй.
    Мөн зуун настын шүүсийг хэт их хэрэглэвэл бүдүүн гэдэс болон бусад эд эрхтэн үрэвсэх магадлалтай.
    Жор нь
    /үргэлжлэл бий/

    ReplyDelete
    Replies
    1. сайнуу?энэ нийтлэлийн үргэлжлэл хаана байгаа вэ?яаралтай хэрэг болоод байна туслаач

      Delete
  24. Т. Энхтүвшин 2011-04-26 16:27 бичсэн.
    Бамбайн булчирхай бүрэн авахуулсан хүн амьтны гаралтай хүнс бага хэрэглэх ёстой. Элэг, зүрх идэх нь муу гэж үздэг.
    Бамбайгаа хэсэгчлэн авахуулсан тохиолдолд чи өөрийгөө гормон ялгаруулж байна гэж үзэх ёстой. Энэ тохиолдолд хоолны дэглэм гээд тусдаа сүртэй юм байхгүй зөв хооллох ёстой.
    Биеийн байдлаа ажиж, эндокринологич эмчид үзүүлж зөвлөлгөө авч байх хэрэгтэй
    Хооллохдоо физиологийн нормын 10-20 % харьцааг баримтлах ёстой.
    Калори багатай хүнс хэрэглэх ёстой. Холесирин, давс их агуулсан бүтээгдэхүүнээс зайлсхийх хэрэгтэй.
    Ногоо, жимс, жүүс, сүүн бүтээгдэхүүн /тараг г.м./ хэрэглэх хэрэгтэй
    А витаминтай /каротинтой/ бүтээгдэхүүн хэт их хэрэглэж болохгүй /цөцгийн тос, элэг, улбар улаан өнгийн жимс, лууван, хулуу, абрикос г.м./
    Хооллохдоо хэсэглэн өдөрт 5-6 удаа идэх ёстой. Учир нь хоол идэх болгонд бамбайн булчирхайн гормон ялгаруулалт идэвхждэг.
    Эмч зөвлөсөн тохиолдолд гормон хэрэглэнэ

    ReplyDelete
  25. Н. Болор 2011-04-27 13:27 бичсэн.
    хамрын шархтай өглөө болгон цус гараад байдаг хүнд зуун наст дусааж болох болов уу?

    ReplyDelete
  26. Т. Энхтүвшин 2011-04-27 13:35 бичсэн.
    хамрын шархтай хүн аль болох хуурай байлгаж шархаа эдгээх хэрэгтэй
    харин шархлааны эсрэг, антибиотиктэй өтгөн тос түрхэж болно.

    ReplyDelete
  27. Т. Энхтүвшин 1 сарын өмнө бичсэн.
    Остепороз буюу яс хэврэгших нь
    Манайхан ясны сийрэгжилт гэж голдуу нэрэлдэх энэ эмгэг уг нь нас ахисан хүнд тохиолдох ёстой боловч маш залуугаараа яс хэврэг болж байгаа нь харамсалтай
    Ясны эс эдээс калийн давс угаагдан алга болсноор яс хэвэршдэг гэж ойлгож болно.
    1. Үүнээс урьдчилан сэргийлэхийн тулд өдөрт 1 л сүү уух, эсвэл өдөрт хоёр удаа 100 аарц идэхэд л хангалттай.
    2. Гурван долоо хоногийн турш өдөр бүр 2-3 гр аскорбины хүчил ууж болно.
    3. Ногоон ургамал /салаат, навчит ургамал/ идэх хэрэгтэй. Эдгээрт фитин болон хурган чихний хүчил байдаг учир кальцийн солилцоонд сайнаар нөлөөлнө. Мөн самар, тунхуу /хрен/, шар буурцаг болон шошны бусад төрөл кальциар баялаг байдаг.
    4. Уураг ихэссэнээс кальци алдагдаж болох тул сүүн бүтээгдэхүүнийг хэт их хэрэглэхээс болгоомжлох ёстой.
    5. Урт хугацаагаар мацаг барих, хоолны дэглэм барих зэрэг нь ясны хувийн жинг багасгаж болно шүү.
    6. Кофейн биеэс кальцийг хөөн гарагадг учир кофе ихээр уух нь зохисгүй.
    7. Хийжүүлсэн ундаа ихээр уух нь ясны сийхэгжилт болох нэг гол шалтгаан шүү. Учир нь эдгээр ундаанд байдаг фосфор нь яс, шүдний кальцийг гадагшуулдаг.
    8. Архи нь биеийн кальцийг мөн гадагшуулдаг.
    9. Биеийн тамир хийх нь ясны эс эдийг бэхжүүлдэг. Яс нь булчингийн адил бэлтгэл хийхийг шаарддаг. Бэлгэл хийх тусам яс бүдүүрч, бат бэх болдог. Жишээ нь теннисчний яс жирийн хүнийхээс 15 % бат бэх байдаг.
    10. Дугуй унах, теннис тоглох /бадминтон/, бүжиглэх, үсрэх, гүйх, аэробикоор хичээллэх нь ясыг бэхжүүлнэ.
    11. Наранд байх нь витамин Д авах нэг үүсвэр болно. Гэхдээ наршихгүй байх хэрэгтэй.
    12. Витамин Д -г загасны тос, загасны мах, цөцгийн тос, өндөг, мөөгнөсс авч болно.
    13. БАД буюу биологийн идэвхтэй нэмэгдэл хэрэглэж болно. Тухайлбал, ВИТРУМ ОСТЕОМАГ.
    Мөн гомеопатик бүтээгдэхүүнээс КАЛЬКОХЕЛЬ -ийг /өдөрт гурван удаа нэг таблеткийг хэлэн дороо тавина/ хэрэглэж болно.
    14. Том паалан саванд гэрийн хошонгор /клевер/ бургасны улаан-цагаан мөчрийг хугалж буцалгаад хөргөж, шүүсний дараа хоолны нэг халбага керосин нэмж, энэ чанамалаар 3-4 өдрийн турш орой болгон хөлөө дүрж болно.

    ReplyDelete
  28. Б. Буянаа 1 сарын өмнө бичсэн.
    Сайхан сэдэв нээжээ.
    Би Анагаах арга билэг гээд нэг сонин захиалж уншдаг, тэр сонин дээр ургамлаар, ардын аргаар өвчнөө эмчилсэн хүмүүсийн тухай өөрсдийн нь туршлагыг бичсэн байдаг юм аа, гэхдээ дандаа орос. Бодвол тэр сонин орос материал орчуулаад тавьдаг юм шиг байгаан. Их хэрэгтэй шүү, та нар ч гэсэн сонин борлуулдаг газраас аваад сонирхоод үзэээй.
    Манай хүүгийн хоолой нь их өвддөг, нэг өвдөхөөрөө халуураад, хамаг яс нь өвдөөд гээд бөөн юм болдог, тэгээд сониноос авсан дараах зөвлөмжийг хэрэглэж үзсэн, сайн юм байна лээ. Лууванг үрээд зөгийн балтай холиод идэх, амт нь ч гоё үр дүн нь ч сайн байсан шүү.

    Энхтүвшин ахдаа амжилт хүсье

    ReplyDelete
  29. olon saihan medeelluud bna shuu, bayarlalaa

    ReplyDelete
  30. Эмэгтэй хүний савны хоргүй хавдарт юу хэрэглэвэл зүгээр бэ?

    ReplyDelete
  31. Цэцэгхүүд хэрх , тулуй гэх 2 өвчин хавсарч тусаад гэрийн хорионд оруулчаад бгаалдаа. Тэгээд сураглавал голцуу өвс ногоогоор хооллож эдгээдэг гэхшүү юм дуулдаад бгаан. Хүчил нь ихдсэнээс биеэ шүлтжүүл ч гэх шиг энэ талаар мэдэх зүйл байвал хэлж өгнө үү. Баярлалаа их сайхан зүйл нээсэнд талархаж байна.

    ReplyDelete
  32. зүрхэнд хандалж хэрэглэдэг гэсэн Зүрх өвсийг яаж хандалж хэрэглэдэг талаар мэдэх хүн байвал хэлж өгөөч. их хүчтэй сайн гэсэн

    ReplyDelete
  33. сайн байна уу. Цэцэгээ арга билэг сонинг захиалж уншдаг их таалагддаг. Цэцэгээ эмэгтэйчүүдийн эндометриозийн кистотай. Үүнийг эмчлэх ургамал байдаг болов уу. Европ эмнэлэгээр явахаар гормоны эм уух болдог гэтэл Цэцэгээ бас элэгний С вирустай.Гормоны эмчилгээ вирусны идэвхжүүлдэг. Таарах ургамал бдг болов уу туслаач.

    ReplyDelete
  34. Төвдөд байдаг Юучин хачир гэдэг ургамлын талаар мэдээлэл өгөөч.

    ReplyDelete
  35. Манай зарим айлуудад ургуулж л байдаг зуун наст цэцэг чинь алоэ мөн биздээ. Түүнийг хэрэглэхдээ тасалж авахаас өмнө 3 хоног услахгүй тэгээд тасалж авсан зуун настаа хөргөгчний хэвийн |хөлдөөгч биш|хэсэгт 5 хоног байлгаж байгаад хэрэглэдэг

    ReplyDelete
  36. сүүлийн үед идэвхтэй судлаж байснаараа С вируст тустай ургамал гэсэн асуултанд хариулахад Хусны онгол буюу чага мөөг их сайн гэх юм билээ. Солонгос явах гээд вирустай гарч эрүүл мэндээр тэнцээгүй улс чага уугаад хэдэн сарын дараа явсан тухай хаа нэгтэйгээс олж уншиж бсан юм бн. мөн өөрөө өөрийгөө эмчилж амьд домог болсон Жамсран хурандаагийн номонд чага мөөгний тусын тухай бдаг.
    Мөн урд хөршөөс орж ирдэг бх шүү хорхой өвсний бэлдмэлээр С вирус устсан гэх яриа саяхан сонссон юм бн. Сайтар нягтлан мэдээлэл хайж үзээрэй.

    ReplyDelete
  37. сайн байна уу. Чонын хэл гэдэг жимс нь хөгшин хүний цэр ховхлоход сайн байдаг юмуу, тал цус харвачихсан хүн байгаа юмаа, тэгээд хоолойн дахь цэрээ гаргаж чадахгүй байгаа юм. Хэрэв чонын хэл нь үнэхээр цэр ховхолдог юм бол хэрэглэх аргатай нь зааж өгч тус болооч. Та бүхэнд баярлалаа.

    ReplyDelete
  38. sain bn uu, guzeelzgenii hataasan navch haanaas olj avch bolhiig helj uguuch, bayarlaa

    ReplyDelete
  39. Үндсэн шинж болон Монгол оронд тархан ургасан байдал:Өргөст нохойн хошуу ( Rosa aciсularis Lindl)2 м орчим өндөр ургадаг, туяхан иштэй сөөг юм. Нохойн хошууны сөөг нь хэлбэржүүлэлт, хяргалтыг сайн даадаг. Амьд хашлага хийх, явган хүний замын хажуугаар болон цэцэрлэгт гудамжийг цэцэрлэгжүүлэхэд тохиромжтой. Өргөст нохойн хошуу нь байгальд шинэс, нарс, хусан ойн дунд ихэвчлэн ургана. Хэнтий, Хангай, Хөвсгөл, Монгол дагуур, Хянган, Монгол Алтай, Дорнод Монголд тархалттай чийглэг хөрсөнд илүү зохимжтой ургамал юм.

    Аж ахуйн ач холбогдол: Нохойн хошууны үр жимсэнд төмөр, кальци, фосфор болон аргаах бодис (зүрх болон хавдрын эсрэг шим тэжээлүүдийн нэгдэл) ихээр агуулагддаг. Беверли Грейнийн үзэж байгаагаар 3 ширхэг өргөст нохойн хошууны жимсэнд агуулагдах С-ийн хэмжээ нэг ширхэг жүржинд агуулагдах витамин С-тэй тэнцүү байдаг байна. Түүнчлэн дэлхийн хоёрдугаар дайны үед Их Британи цэргүүд өргөст нохойн хошууг ихээр цуглуулан хоол хүнсэндээ хэрэглэж шим тэжээлээ нөхдөг байжээ. Өргөст нохойн хошууны үр мөнгөлөг үсээр бүрхэгдсэн байдаг тиймээс үрийг идэхээс зайлсхийх хэрэгтэй. Учир нь үрийн гадуурх мөнгөлөг хальс нь хоол боловсруулах системд муугаар нөлөөлөх магадлалтай.
    Өргөст нохойн хошууг цай болон сиропонд хэрэглэж болох ба жимсийг нунтаглаж буцалсан халуун усанд хийж 15-20 болгоод ууж болно. Мөн барайн болон цэлцэгнүүр хийж болно. Хатааж үрээс нь салгасан нохойн хошууны жимсээр барайн хийвэл маш хялбар байдаг. Ингэхдээ үрээс нь салгасан жимсэн дээр алимны шүүс хийж хонуулахад барайн бэлэн болно.
    Эмийн ач холбогдол:Цус багадалт, сарын тэмдгийг тогтворжуулах, давсагны өрөвсөл, зүрх судасны өвчин, хаван бууруулах, цусны эргэлт сайжруулах зэрэгт ач тустай (Bennett, J. (1991). Berries. Camden House: Camden East, ON).


    Ургуулах арга: Үрээр маш хурдан ургадаг онцлогтой. Манай оронд ихэвчлэн үрээр тарьж ургуулж хот цэцэрлэгжүүлэлтэд өргөн ашигладаг. Мөн үндэсний шижмээр үржүүлдэг. Үрийг намар түүж шууд тарих буюу хавар тарьдаг. Үрээр тарьсан 2-3 настай тарьцыг бойжуулах талбайд шилжүүлэн ургуулж 2-3 жил болсны дараа цэцэрлэгжүүлэлтэд ашиглана (Э. Гончигдамба, 2012: apa.mn)

    ReplyDelete
  40. Хурган засаа
    Үндсэн шинж болон Монгол оронд тархан ургасан байдал: Хэнтий, Говь-Алтай, Дорнод нутгаар тархсан. Уулын хээрийн бүслүүрт хайргархаг ба чулуурхаг хээржүү хатуу, байц хад, голын хайрган дээр ургана. Үндэслэг иштэй, сийрэг бутаар ургадаг олон наст өвс. Иш 15-40 см өндөр, улбар юм уу бараан хүрэн, сэрэвгэр юм уу налчгар үсэрхэг. Бүх навчис урт бариултай, илтэс нь 2-5 см. Цэцгийн бундуу / цоморлиг/ 10 мм урт, сааралдуу хатуу үсэрхэг. 6-7, 7-8 сард цэцэглэж үрлэнэ.6-аас 7 сарын хооронд цэцэглэж 7-аас 8 сарын хооронд үрлэнэ (Жуулчны мэдээллийн төв, 2010).
    Аж ахуйн ач холбогдол : Тодорхойгүй
    Эмийн ач холбогдол: Эмийн ач холбодол нь одоогоор тодорхойгүй байгаа боловч бусад зүйлийн хурган засаатай адил хэлбэрийн эмийн ач холбогдолтой байх магадлалтай хэмээн үздэг байна. Шарханд сайн ба Гавлын ясны бэртэнгэ, ханиалга, элэгний өвчин, уушгины хальсны үрэвсэл /плеврит/, хатгаа, улаан хоолой, ХХШ, гэдэс гүйлгэх, цусан суулга, судал, булчин шөрмөс тасрах, гар, хөл чичрэх, цээжээр хатгах, толгой өвдөх, халуурах, цус алдахад хэрэглэнэ (Бобус Сийдс). Мөн энэхүү ургамал нь Анальгины түүхий эд болдог. Гэрийн нөхцөлд энэхүү ургамлаар ханд бэлтгэж бүх төрлийн шарх анагаахад хэрэглэдэг байна. Мөн шархны шар (хурган засаа) ургамлын цэцэг, иш, навчийг авч хатаагаад нунтаглаж түүнээс 2 халбага авч литр усанд буцалгаж хандлаад шархыг шавших буюу бог малд 200-250 мл, бод малд 1 литр дотуур өгөхөд өвчин намдаж түргэнэдгэрнэ (Д.Мөнхөө).
    Тиймээс нутгийнхан шархны шар гэж нэрлэдэг. Энэхүү ургамлын эмийн ач холбогдол болоод аж ахуйн хэрэгцээт чанарын талаар цаашид судлах шаардлагатай байна (GTZ, угамлын ашигт чанар).

    ReplyDelete
  41. Говийн ганга
    Үндсэн шинж болон Монгол оронд тархан ургасан байдал: Ёзоороороо моджиж салаалсан, битvv vслэгтэй, vл мэдэгдэм шахуу дөрвөн талтай, бөөрөнхийдvv, 2-5 см өндөр иштэй, газраар зулж буюу ширэлдэн ургадаг заримдаг сөөгөнцөр. Навч гонзгойвтор-юлдэн юмуу гонзгойвтор-шугаман, 10-12 мм урт, 2-3 мм өргөн, дээд гадаргуудаа урт таруу vсэнцэртэй, доод гадаргуу нvцгэн. Хөх ягаан юмуу ягаан өнгийн, анхилуун vнэр бvхий цэцэгтэй.
    Хөвсгөл, Хангай, Монгол Дагуур, Монгол Алтай, Дундад Халх, Дорнод Монгол, Их нууруудын хотгор, Олон нуурын хөндий, Говь Алтай. Дундговьд: Төв, хойд, баруун, зvvн талын сумдын нутагт элбэг ургана
    Хад асгатай толгой, уулын хад чулуутай бэл тvvний хормой, цөлийн хээр, хагас буюу бvрэн бэхэжсэн элс, голын эргийн хайрганд ургана (Tourisiminfocenter.mn ).
    Аж ахуйн ач холбогдол : Газрын дээд хэсэгтээ камфен, себинен, тимилацетат, эфирийн тос, флавонойд, тритерпенойд агуулдаг (Tourisiminfocenter.mn ).
    Эмийн ач холбогдол: Эмийн ач холбогдол: Уушгины гуурсан хоолойн үрэвслийн үед цэр ховхлох , үе мөчний болон бусад мэдрэлийн гаралтай үрэвсэлд өвчнийг намдаахад гадуур шавших, бөөр шээсний замын үрэвсэлт өвчнийг эмчлэх , болон гэдэсний цагаан хорхойг устгахад хэрэглэнэ. Нунтагласан ургамлаас нэг хоолны халбагыг 200 мл буцалсан усанд хийж 5-10 минут идээшүүлж , том хүн хоолны халбагаар өдөрт 3 удаа , хүүхэд цайны халбагаар өдөрт 3 удаа ууна (Aриун Монгол ХХК). Түүнчлэн дархлаа сэргээх,багтраа болон амьсгалын замын өвчнүүдийн үед хэрэглэнэ (Makkar et al 2009). Ургуулах арга: 6, 8 сард цэцэглэж үрлэнэ. Үндэсний шижмээр дэлгэж, нөхөн төлжиж ургана. Бог мал өвөл сайн, тэмээнээс бусад мал хавар, намар, өвлийн улиралд дунд зэрэг иддэг байна (Tourisiminfocenter.mn ).

    ReplyDelete
  42. bambain tomrolt hordlogond yamar urgamal hereglevel ur dungee uguh ve

    ReplyDelete