Цэцгийн бэлгэдэл /II хэсэг/

(Тус сайтад тавигдсан материал нь  "Увдист цэцэгсийн ертөнц" ТББ-ын дэргэдэх клубын өмч бөгөөд хуулийн дагуу хамгаалагдсан тул хуулбарлан ашиглахыг хориглоно.)

Кактус 

Аливаад туйлбартай ханддаг, зорилгодоо тэмүүлэмтгий, өөртөө итгэлтэй гэхдээ бага зэрэг зожиг хүмүүст уг цэцгийг бэлэглэдэг.

Кала- гоо даль

Уг цэцгийг бэлэглэж буй хүн нь жинхэнэ жентельмен бөгөөд таны гоо сайхныг бишрэн хүндэтгэгч.

Колокольчик - хонхон цэцэг 

Тайван тогтвортой байдал, тэнцвэрт харьцааг илэрхийлдэг, ямар ч үед үргэлж хамтдаа гэсэн санааг агуулдаг.

Лилия-сараана \улбар шар\

Уг өнгийн цэцгийг бэлэглэж буй хүн нь хэрэгт дурлагч, чи миний хувьд оньсого мэт, чиний зүрх эрх чөлөөтэй юу? гэсэн санааг илэрхийлж бэлэглэдэг.

Лилия-сараана \цагаан\ 

Цэвэр ариун, ихэмсэг,уужим сэтгэлтэй гэсэн,мөн чи үнэхээр гайхамшигтай гэсэн утгыг агуулдаг.

Лилия-сараана \шар\ 

Бусдын анхаарлыг татахыг эрмэлздэг хөнгөмсөг, зөрүүд, хурц цочмог араншинг илэрхийлдэг.

Лотус-лянхуа

Аз жаргал, эрүүл энх, цэцэн ухаан, урт удаан амьдралыг бэлэгддэг. Уг цэцгийг маш ойр дотнын хүмүүстээ бэлэглэдэг.

Монстера-гажнай

Аливаад туйлбартай, зүтгэлтэй, чи төгс гэсэн утгыг агуулна.

Настурция-гялбалзал

Уг цэцгийг бэлэглэж буй хүн нь ямар нэг далд санаа агуулаагүй зөвхөн өөрийн чинь амжилтаар бахархаж буйгаа илэрхийлэгч юм.

 

Нарцис-сэрүүцэцэг

Хариу нэхээгүй хайраа илэрхийлэгч уг цэцгийг бэлэглэдэг.

Олеандр-цэгцүүхэй

Чи үнэхээр энхрий ялдам

Орхидей-цахирмаа

Зөвхөн хайртай хүндээ уг цэцгийг бэлэглэдэг.

Пион-цээнэ

Найр хуриманд аз жаргалыг хүсэн бэлэглэдэг.

Плющ-авиргана

Үнэнч байдал, нөхөрлөл, дассан сэтгэлийг илэрхийлдэг.

Примула-хаваршил

Үүрд хагацашгүй хамт амьдрахын бэлэгдэл

Хризантема-шаваантаг

Чи үнэхээр сайн найз бөгөөд хамт байхад хөгжилтэй баяр баясгалантай нээлттэй байж чаддаг гэсэн утга агуулдаг.

" Увдист цэцэгсийн ертөнц" клубын гишүүн

Т. Байгалмаа